Mini Tantramassage sind grundsätzlich ziel- und absichtslos. Es gaad für mich drum, dass du ii dä Ruum vom Nödwüsse, nur sii und fühle iitauche chasch. Dass mr vo Moment zu Moment mit Akzeptanz und Wertschätzig de Impulse vo dim Körper folged, sodass genau die Massage entstaa chan, wo du grad bruchsch. Es chan sii, dass du im Voruus scho weisch, wasd' bruchsch: umso besser. Was ich denn empfiehle, isch mit ere Intention ii dini Massage z tauche. Sone Intention chan sii:

- E nährendi Massage z erlebe

- Üebe, dini Bedürfnis während de Massage aazbringe und klar z kommuniziere

- En ekstatische Zuestand z erlebe

...und vieles meh, mir chönds au zeme usefinde

Bi dinre Aakunft hesch du d Möglichkeit z dusche. Mir nämed eus 15min Ziet, zum uus- und bespreche was grad wichtig isch, sodass du dich möglichscht entspannt uf dini Massage iilaa chasch. Wenn du für das nöd s Rede bruchsch, sondern Körperüebige, denn wärd ich die mit dir duurefüehre - aapasst uf dini Bedürfnis. Aaschlüssend chunsch du vo mir en Lunghi über (es Tuech wo du dir um de Körper bindisch, ich zeig dir wie), wo din (nackte) Körper umhüllt. Es wird während de Massage en Moment ghe, wo ich dich fröge, ob ich dir de dörf abziehe. Im Idealfall nutze ich warms Öl, zum dis Erlebnis so sinnlich, wohlig und flüssend wie möglich gschtalte. Nach de Massage dörfsch du wieder dusche, dich aalege, und mir nämed eus nomal 15min Ziet für dini Integration und zum rede über das, was no besproche wärde möchti.

Nei. Du chasch so viel Chleider aahaa, wie nötig sind, dass du dich wohl und entspannt fühle chasch.

Sodass ich din Körper sinnlich und liebevoll mit Öl berüehre chan, isch es vo Vorteil, wenn du so wenig aa hesch, wies dir entspannt möglich isch.

Inere Tantramassage mit mir schaffemer nöd uf de Orgasmus zue und ich wird en au nöd stimuliere. Es chan jedoch durchuus sii, dass din Orgasmus uus Entspannig, Wohlsii und d Uusbreitig vo dinere Energie oder uus Freud ganz natürlich entstaat. Din Orgasmus isch grundsätzlich willkomme :)